NI RONALDO TENA - KOMBE LA 11, REAL MADRID WAZIDI KUISIKITISHA ATLETICO KWA MARA NYINGINE TENA...

Usiku wa May 28 2016 wapenda soka wote duniani macho na masikio yao ilikuwa ni katika uwanja wa San Siro katika jiji la Milan Italia, ili kutaka kufahamu nani atafanikiwa kuchukua Kombe la Klabu Bingwa Ulaya 2016 kati ya Real Madrid na Atletico Madrid.

Real Madrid ambao wanatajwa kama klabu yenye mafanikio katika michuano ya Klabu Bingwa Ulaya, wameifunga Atletico Madrid kwa jumla ya penati 5-4, hiyo inatokana na dakika 120 za mchezo kumalizika kwa sare ya goli 1-1, magoli ambayo yalifungwa na Sergio Ramos dakika ya 15 kwa upande wa Real, wakati goli la Atletico lilifungwa na Carrasco.

Kwa upande wa Atletico wanakuwa na bahati mbaya kutokana na kutofanikiwa kuweka rekodi ya kutwaa Kombe hilo kwa mara ya kwanza, lakini kwa upande wa Real Madrid hilo linakuwa Kombe lao la 11 la Klabu Bingwa Ulaya, takwimu na bahati zimeendelea kuwa rafiki zaidi kwa Real Madrid kuliko Atletico.